Night Market Fuik!
14 desèmber 2024 ta e dia!!
Fundashon Un Bon Hóben pa Un Bon Famia ta organisá un ‘Night Market’ espektakular riba tereno di e Fundashon na Fuik, Seru Grandi.
Meta di e Night Market
E Night Market lo ta un evenementu grandioso i lo sirbi pa:
• Krea fondo pa sostené Fundashon Un Bon Hóben pa alkansá su meta. Esta: Kontribuí na e desaroyo kultural di hubentut i hóbennan di e bario Fuik i besindario, manera ela bin ta hasi atraves di aktividatnan rekreativo i edukativo ku ta kontribuí na formashon di nan karakter. Pero tambe e fundashon ke konstruí i mantené kasnan di bibienda òf di akohida durante dia pa hóbennan den nesesidat.
• Ofresé empresarionan di Fuik i besindario un plataforma pa ofresé òf promové nan produktonan.
• Promové i hisa konosementu di e bario di Fuik, di su habitante- i empresanan i asina atraé mas aktividat i mas turismo pa e bario.
• Trese un anochi yen di eksperensia nobo i bunita i dushi kuminda i asina promové solidaridat i alegria den bario
Kuá empresarionan lo bini na remarke?
Tur empresario ku ta biba i ta establesé na Kòrsou, ku ta bende produkto produsí na Kòrsou òf ku nan trahá mes ta traha.
Paga tinu!! Si tin lista di espera empresarionan di Fuik i besindario tin preferensia pa kumpli ku nos meta. Asina ta, buska bo chèns lihé.
Kuá produkto por bende?
E Night Market lo tin diferente stènt ku un variedat mas grandi posibel di produkto. Komo ku e kantidat di stènt riba e tereno ta limitá, lo hasi un selekshon i repartishon mas variá posibel di produkto i sorto di produkto,
1. Rèstourant/Trùk’i Pan, Snèk, Bebida
2. Asesorio, Arte i Obra di man
3. Aktividat i, Produktonan
4. Fruta I berdura, Palunan i Mata
5. Stènt di promoshon, Bon Obra, Proyektonan di Gobièrnu
E Night Market lo ta habrí di 17:00 te ku 00:00 pa públiko. E empresarionan ta haña akseso na e tereno for di 15:00 pa pone nan stènt i por kuminsá rùim òp nan stènt for di 00:15. Tur stènt mester ta kla 17:00.
E Market ta primintí di bira un evenementu fantástiko pa pueblo, pa e besindario, empresarionan (nobo) i alaves un sosten imenso pa e desaroyo sosial kultural di e hubentut i hóbennan den bario di Fuik. Ta un evento periódiko ku lo tin un impakto positivo pa tur ku e toka.
No warda mas i inskribí awor pa e evenementu grandioso akí ku e formulario di registrashon ku tin abou.
Atenshon! Solamente inskripshonnan ku drenta via e link ku tin aki bou ta registrá komo válido. E inskripshon ta kompletá despues di pago di hür pa e lugá/stènt.
*Ta akseptá inskripshon te ku 13 november 2024.
Pa mas informashon, tuma kontakto via nightmarket@tnclservices.com.
